música improvisada e outros sons interesantes
A partir de hoxe resoancia inductiva múdase. A nova dirección é http://www.joseghast.org/resonancia, e é a que se actualizará a partir de agora. A vella dirección permanecerá sen cambios un tempo e logo borrarase, así que tés que actualizar os teus marcadores e os feeds RSS. Gracias e desculpas polas molestias!
Tres fotos máis do concerto que o día 17 demos Miguel Prado e máis eu na Galería DF. Esta vez son de Santiago Moral García. Gracias!
No sound is innocent é un libro escrito por Edwin Prévost, percusionista e membro fundador dos AMM. A temática do libro, como era de esperar, é a música e máis particularmente a improvisación libre, que é o que Prévost leva facendo dende mediados dos sesenta tanto con AMM como con outros músicos. Está editado por Cópula, que é uha marca dependente do selo discográfico Matchless Recordings; rexentado polo autor e responsable da maior parte das edicións discográficas de AMM.
O libro está dividido en tres partes ben diferenciadas, incluso poderiamos dicir que é unha compilación de tres escritos de Prévost: AMM e a práctica da autoinvención, Narrativas meta-musicais e Ensaios. A primeira é unha semblanza dende a perspectiva de Prévost (un punto importante falando de AMM) da historia do grupo: a súa concepción, o desenvolvemento ao longo dos anos e as políticas (ás veces hai que interpretalo de forma literal) que deron forma ao colectivo. Os ensaios son un total de dous, breves, sobre a ensinanza e influencia da improvisación na música (histórica e actualmente) e a loita do meta-músico contra o ego.
A parte intermedia, Narrativas meta-musicais, é un conxunto de textos “escritos dunha forma paralela á improvisación musical- ou polo menos todo o que me puiden achegar” nos que Eddie Prévost comeza cada un dos textos nun momento distinto e vai definindo os termos mentres pensa “como un improvisador define a música cando toca”. Polo tanto “moitos dos temas son recurrentes, retornando a eles dende un punto de vista un pouco distinto cada vez”. Recurrentes e variados, dende as relacións entre improvisadores (ou meta-músicos como soe escrivir Prévost) no momento de tocar ata a total invalidez do sistema de dereitos de autor para xestionar os dereitos da música improvisada pasando polas relacións dos sons co contexto tanto político como mental.
En definitiva, unha lectura máis que recomendable para quen estea interesado nesta forma de música coñecida como improvisación libre. Dispoñible dende Matchless Recordings.
Máis cousas sobre os AMM, aos que últimamente me estou aficionando. Esta vez trátase dun escrito de Stuart Broomer facendo unha pequena biografía do grupo e falando dos distintos caracteres que formaron parte do mésmo dende os sesenta ata a actualidade (que no momento de escribir o artículo era o ano 2000).
Están dispoñibles na páxina web da Galería DF de arte contemporánea as fotos do concerto que dimos alí Miguel Prado e máis un servidor o pasado xoves 17 de xaneiro.
Como, que non sabes o que é o muro de son? Pasa de Phil Spector e enchúfate The Crypt!
O próximo xoves día 17 de xaneiro, un servidor e máis Miguel Prado tocaremos na Galería DF de arte contemporánea, Santiago de Compostela (Rúa de San Pedro 11). Comezaremos ás 21 horas e cobraremos 3 € a cada ser humano que queira achegarse por alí. Levaremos discos do catálogo de Taumaturgia!
Unha nova recomendación de lectura na forma desta entrevista a Keith Rowe realizada durante a xira americana que levou a cabo en abril deste ano. Interesante e razonada como as que lle lin polo de agora e, como na última que lin (Invisible Jukebox, The Wire 287), pregúntanlle por iso que din de que serve ao imperialismo.
Entrevistado por Josh Ronsen.
Taumaturgia é un novo selo de CD-R dende Galicia no que participamos Raúl García, Miguel Prado e un servidor. Xa temos dispoñible o primeiro lanzamento: Vribación; o primeiro disco a solo de Rafael Mallo. En preparación están dous discos máis: o debut discográfico de Volontè e a actuación que Josetxo Grieta ofreceron o pasado maio na Fundación Luis Seoane da Coruña. Ademais, tamén distribuimos o catálogo de arto.artian.
Se queredes pedir algún disco, ou obter máis información pasade por www.taumaturgia.com.
